Online India

  2017-01-19

छत्तीसगढ़ कॉलेज के बार्सिकोत्सव म सामिल होइस कृसि मंत्री बृजमोहन अग्रवाल

उत्कृस्ठ प्रदर्सनन करइया छात्र मन ल करिस सम्मानित

OnlineCG City | प्रदेस सरकार के प्रयास ले राजधानी के ऐतिहासिक जे. योगानंदम सासकीय छत्तीसगढ़ महाविद्यालय म छात्र-छात्रा मन बर सुविधा लगातार बाढ़त जात हे। इहीं कड़ी म महाविद्यालय के बार्सिकोत्सव एवं पुरस्कार बितरण समारोह म कृसि मंत्री बृजमोहन अग्रवाल ह एक करोड़ के लागत ले बनने वाला 7 अतिरिक्त कमरा बर भूमिपूजन करिस। अग्रवाल ह महाविद्यालय परिसर म युवा मन के प्रेरणा स्त्रोत अऊ महान दार्सनिक स्वामी विवेकानंद के प्रतिमा लगवाए के आस्वासन दिस। संग ही ओहर महाविद्यालय के सायकल स्टैंड के मरम्मत बर 5लाख रूपिया के स्वीकृति समारोह म ही दे दिस। येकर अलावा महाविद्यालय म अवइया बछर ले ई-क्लास रूम के स्वीकृति दिलाए बर हर संभव सहयोग करे के बादा करिस। आरंग बिधायक नवीन मारकण्डेय ह समारोह के अध्यक्षता करिस। छत्तीसगढ़ श्रम कल्याण मंडल के उपाध्यक्ष सुभाष तिवारी, महाविद्यालय की जनभागीदारी समिति के अध्यक्ष किरण साहू समारोह म बिशेष अतिथि के रूप म उपस्थित रिहीस।कृसि मंत्री अग्रवाल ह कार्यक्रम म सैक्षणिक अऊ खेलकूद म उत्कृस्ट प्रदर्सन करइया छात्र-छात्रा मन ल पुरस्कृत कर सम्मानित करिस।    

Please wait! Loading comment using Facebook...

You Might Also Like